KAIMU KAMISHNA MSAIDIZI WA SHIRIKA LA MAENDELEO YA PETROLI KUTOKA WIZARA YA NISHATI NA MADINI ATEMBELEA ENEO LITAKAPOJENGWA GATI KWA AJILI YA KUSHUSHIA MAFUTA GHAFI MKOANI TANGA.


 Greda likisafisha eneo ambalo linatarajiwa kujengwa gati kwa ajili ya kushushia mafuta ghafi
Mkuu wa Mkoa wa Tanga,Martine Shigella wa pili kutoka kulia akiwa na viongozi kutoka Wizara ya Nishati na Madini walipotembelea sehemu  ambayo litajengwa gati mpya eneo la Chongoleani jijini Tanga kushushia mafuta ghafi kulia ni Kaimu Kamishna Msaidizi wa Petroli kutoka Wizara ya Nishati na Madini ,Mwanamani Kidaya kushoto ni Kaimu Meneja wa Bandari ya Tanga,Henry Arika

Mkuu wa Mkoa wa Tanga,Martine Shigella wa pili kutoka kushoto akisisitiza jambo wakati walipotembelea eneo la Chongoleani ambapo kutajengwa gati ya kushushia mafuta ghafi



Kaimu Kamishna Msaidizi wa Petroli kutoka Wizara ya Nishati na Madini,Mwanamani Kidaya akizungumza na waandishi wa habari mara baada ya kulitembelea eneo hilo leo
Mkuu wa Mkoa wa Tanga,Martine Shigella akizungumzia namna mkoa huo ulivyojipanga na fursa hiyo mara baada ya kulitembelea eneo hilo

Kaimu Meneja wa Bandari ya Tanga,Henry Arika kulia akisisitiza jambo kwa Mkuu wa Mkoa wa Tanga,Martine Shigella wa tatu kutoka kushoto namna walivyojipanga kutokana na fursa hiyo
Kaimu Kamishna Msaidizi wa Petroli kutoka Wizara ya Nishati na Madini,Mwanamani Kidaya kushoto akimuonyesha kiti Mkuu wa Mkoa wa Tanga,Martine Shigella mara baada ya kutembelea eneo hilo






Muonekano wa eneo ambalo kutajengwa gati mpya kwa ajili ya kushushia mafuta ghafi

SHENGELA AWATOA HOFU WANANCHI BOMBA LA MAFUTA

Shigela awatoa hofu wananchi bomba la mafuta

Mkuu wa Mkoa wa Tanga, Martine Shigela

SERIKALI imewaondoa hofu wananchi ambao maeneo yao ya ardhi, yatatumika kutekeleza mradi wa ujenzi wa Bomba la Mafuta ghafi la Afrika Mashariki (EACOP).
Bomba hilo linaanzia nchini Uganda hadi Bandari ya Tanga kwamba sheria itazingatiwa ili kila mmoja aweze kulipwa fidia inayostahili.
Kauli hiyo ilitolewa na Mkuu wa Mkoa wa Tanga, Martine Shigela wakati wa ziara fupi katika Kata ya Chongoleani. Alitembelea eneo hilo ili kukagua eneo la ujenzi wa gati ambalo litatumika kupokea mafuta hayo ghafi kabla ya kusafirishwa kwenda kwenye masoko ya kimataifa.
Alisema mpaka sasa mchakato wa utekelezaji mradi huo, unaokadiriwa kugharimu zaidi ya Sh bilioni 4, unakwenda vizuri na kwamba wakati watendaji wakisubiri muongozo utakaopitishwa kuhusu namna ya ulipaji wa fidia kwa baadhi ya wananchi wa maeneo ya nchi za Tanzania na Uganda.
Mkoa wa Tanga umeanza kujiandaa kwa kusafisha eneo pamoja na miundombinu ya barabara ili kuwezesha vifaa kufika kwa urahisi katika eneo la ujenzi.
Kwa upande wake, Kaimu Kamishna Msaidizi anayeshughulikia masuala ya Petroli katika Wizara ya Nishati na Madini, Mwanaamani Kidaya alisema ameridhishwa na maandalizi ya awali yaliyofanywa na uongozi wa Halmashauri ya Jiji la Tanga.
CHANZO: GAZETI LA HABARI LEO
 

Gondwe apiga marufuku wakazi wa Handeni kucheza bao na pool table muda wa kazi


Na Abushehe Nondo (MAELEZO).
Mkuu wa Wilaya ya Handeni Bw.Godwin Gondwe amepiga marufuku wananchi wa wilaya yake kucheza mchezo wa bao na "pool table" wakati wa mchana muda ambao ni wa kufanya kazi ili kutekeleza falsafa ya Serikali ya Awamu ya Tano ya "Hapa kazi Tu".
Gondwe alitoa kauli hiyo hivi karibuni jijini Dar es Salaam wakati akizungumzia mambo mbalimbali yanayohusu wilaya yake ya Handeni ambapo alisema katika wilaya hiyo baadhi ya vijana hawana muamko wa kufanya kazi badala yake wamekua wakijishughulisha na kucheza bao na "pool table" vitu ambavyo haviwaletei maendeleo.
"Nimekataza vijana katika wilaya yangu kucheza michezo ya bao na "pool table" wakati wa kazi na nimewahamasisha kushiriki shughuli za ufugaji na kilimo kwa ajili ya kujiletea maendeleo na kuondokana na hali ya umasikini" alisema Gondwe.
Mkuu huyo wa Wilaya aliwashauri wakazi wa Handeni kujishughulisha na kilimo cha mazao mbalimbali ya biashara  ikiwemo alizeti, ufuta na ufugaji wa mbuzi na kuku ili waweze kujipatia fedha zitakazowasaidia kujikimu kimaisha.
Pia Gondwe alisema kuwa wamekubaliana na Idara ya Ardhi wilayani humo kutenga maeneo maalum ya uwekezaji kwa vijana ambapo Serikali itawawezesha kwa ajili ya kufanya shughuli mbalimbali za kilimo.
Amewataka vijana kujiunga katika vikundi waweze kupatiwa fedha ambazo kila Halmashauri imetenga kwa ajili ya vijana na wanawake na watumie mikopo hiyo  kujikwamua kimaisha kwa kufanya shughuli za ujasiliamali.
Akizungumzia tatizo la ukosefu wa maji katika baadhi ya maeneo ya wilaya hiyo, Gondwe alisema bado anaendelea kushirikiana na  wadau mbalimbali kuhakikisha tatizo la maji wilayani Handeni linapungua ili wananchi waweze kuondokana na adha hiyo ambayo inawakabili kwa muda mrefu.
Alisema wananchi wa Handeni hasa wanawake wanapata tabu ya kutafuta maji safi na salama ingawa Serikali bado inaendelea kushirikiana na wadau wa maendeleo kuhakikisha wananchi wake wanapata huduma hiyo kwa uhakika.


Pangani Wapata Kivuko Kipya

Wananchi wa Pangani/Bweni mkoani Tanga wamepata kivuko kipya cha MV. Tanga, ambacho sasa kitasaidiana na MV. Pangani II kutoa huduma katika eneo la Pangani/Bweni.
MV. Tanga iliwasili Pangani siku ya ijumaa saa moja jioni, ikitokea katika bandari ya Dar es salaam ambako ndiko ujenzi wake ulifanyika. Ujenzi wa kivuko cha MV. Tanga umefanywa na Kampuni ya kitanzania iitwayo Songoro Marine Company Ltd.
Akiongea na wananchi wa Pangani Naibu Mkurugenzi wa Huduma za Ufundi kutoka Wizara ya Ujenzi, Uchukuzi na Mawasiliano Mhandisi Lazaro Vazuri  alisema kuwa kukamilika kwa ujenzi wa kivuko kipya cha MV. Tanga ni muendelezo wa sera ya Serikali ya kuboresha huduma kwa wananchi wake.
Nae Mtendaji Mkuu TEMESA Mhandisi Lekujan Manase alisema “TEMESA imejipanga kuhakikisha kuwa vivuko vyake vyote vinafanyiwa matengenezo ya kinga kwa wakati, ili kuhakikisha kuwa huduma kwa wananchi wanaotumia vivuko hivyo inapatikana kwa wakati muafaka hivyo MV. Pangani II sasa itakwenda kwenye ukarabati na baada ya ukarabati huo vivuko vyote viwili vitabakia katika eneo la Pangani/Bweni ili kuendelea kutoa huduma kwa wananchi.”
Wananchi wa Pangani/Bweni wamekipokea kivuko cha MV. Tanga kwa furaha kubwa na kuiomba Serikali kutoa huduma ya kivuko kwa saa 24  kwa siku ili kuwasaidia wananchi hasa wa eneo la Bweni kupata huduma hiyo nyakati za usiku wanapohitaji kupata huduma za kijamii upande wa Pangani.
MV. Tanga ina uwezo wa kubeba tani 50 ambazo ni sawa na kubeba abiria 100 na magari 6 kwa pamoja. Uwezo wa MV. Tanga unalingana na uwezo wa kivuko cha MV. Pangani II.

Imetolewa na,
 Kitengo cha Habari na Mawasiliano TEMESA

Mchezo wa bao marufuku muda wa kazi Handeni – Gondwe


Na Godfriend Mbuya
Mkuu wa Wilaya ya Handeni Godwin Gondwe amepiga marufuku wananchi wa wilaya yake kucheza mchezo wa bao na ‘pool table’ wakati wa mchana ambapo ni muda wa kufanya kazi na kutekeleza falsafa ya serikali ya awamu ya tano ya ‘Hapa Kazi Tu’

Gondwe ameyasema hayo alipofanya mazungumzo maalumu na kipindi cha SUPAMIX kinachorushwa na kituo cha East Africa Radio ambapo amesema baada ya kuteuliwa na Rais Magufuli na kuanza kazi kuwa Mkuuu wa Wilaya hiyo alikuta muamkoa wa vijana katika kufanya kazi ni mdogo huku wengi wakishinda vijiweni kwa kucheza pool table na bao jambo ambalo amepiga marufuku wakati wa kazi.

“Nimekataza vijana kucheza michezo hiyo wakati wa kazi na nimewahamasisha kushiriki shughuli za ufugaji na  kilimo ambapo wilaya ya Handeni inakubali sana  kilimo cha matunda, alizeti, ufuta na ufugaji wa mbuzi na kuku ambapo kwa kushirikiana na idara ya ardhi tumekubaliana kutenga maeneo ya uwekezaji kwa vijana ambapo serikali itawawezesha kuweza kuyafanyia kazi za kilimo’’ Amesema Gondwe.

Aidha Mkuu huyio wa Wilaya amewataka vijana kujiunga katika makundi ili waweze kupata fedha ambazo kila halmashauri imetakiwa kutenga asilimia 5% ya mapato yake kwa ajili ya vijana na 5% kwa ajili ya wanawake ili waweze kutumia mikopo watakayopata kujikwamua kimaisha kwa kufanya shughuli mbalimbali.

WAUMINI WA KKKT MTAA WA KULASI WILAYANI KOROGWE WAJENGEWA KANISA JIPYA

Muonekano wa Jengo la Kanisa lililokuwa likitumiwa na Waumini wa Kanisa la Kiinjili la Kilutheri (KKKT) Dayosisi ya Kaskazini Mashariki mtaa wa Kulasi wilayani Korogwe .
  Muonekano wa Jengo jipya la Kanisa linalotumiwa na Waumini wa Kanisa la Kiinjili la Kilutheri (KKKT) Dayosisi ya Kaskazini Mashariki mtaa wa Kulasi wilayani Korogwe .
Waumini wa Kanisa la Kiinjili la Kilutheri (KKKT) Dayosisi ya Kaskazini Mashariki mtaa wa Kulasi wilayani Korogwe wakiandamana wakati wa sherehe ya ufunguzi wa jengo jipya la kanisa lililojengwa na wazawa wa kijiji hicho waishio maeneo mbalimbali nchini.
Askofu wa Kanisa la Kiinjili la Kilutheri Tanzania (KKKT) Dayosisi ya Kaskazini Mashariki Dkt Stephen Munga (wa kwanza kushoto) akiongoza wachungaji wa kanisa hilo kupokea waumini wakati wa ibada ya ufunguzi wa jengo jipya la kanisa la mtaa wa Kulasi wilayani Korogwe.
  Askofu wa Kanisa la Kiinjili la Kilutheri Tanzania (KKKT) Dayosisi ya Kaskazini Mashariki Dkt Stephen Munga akiongoza ibada ya ufunguzi wa jengo jipya la kanisa la mtaa wa Kulasi wilayani Korogwe.
Baadhi ya Waumini wa kanisa hilo wakiimba nyimbo wakati wa  ibada ya ufunguzi wa jengo jipya la kanisa la mtaa wa Kulasi wilayani Korogwe.
  Askofu wa Kanisa la Kiinjili la Kilutheri Tanzania (KKKT) Dayosisi ya Kaskazini Mashariki Dkt Stephen Munga akikata utepe kufungua rasmi jengo jipya la kanisa la mtaa wa Kulasi wilayani Korogwe.
Askofu wa Kanisa la Kiinjili la Kilutheri Tanzania (KKKT) Dayosisi ya Kaskazini Mashariki Dkt Stephen Munga akifungua mlango wa kanisa ili waumini wapate kuingia ndani.
Muonekano wa ndani wa jengo jipya la Kanisa la KKKT mtaa wa kulasi.
Askofu wa Kanisa la Kiinjili la Kilutheli Tanzania (KKKT) Dayosisi ya Kaskazini Mashariki Dkt Stephen Munga akisoma neno mara baada ya waumini kuingia ndani ya kanisa hilo.
Waumini wa kanisa la Mtaa wa Kulasi wakiwa wameshika kuta za kanisa hilo wakati wa sala ya kubariki jengo la kanisa.
Baadhi ya waumini wa kanisa la mtaa wa Kulasi wakiwa katika ibada hiyo .
Kwaya Walawi ya jijini Arusha ikiimba nyimbo za kusifu  kwa watu waliojitoa kwa ajili ya ujenzi wa kanisa hilo.
Mchungaji Kiongozi .........akitoa salamu kwa wauimini waliohudhuria ibada hiyo maalumu ya ufunguzi wa kanisa hilo.
Kwaya ya watoto wa kanisa la mtaa wa Kulasi wakiiiomba nyimbo wakati wa ibada hiyo.
  Askofu wa Kanisa la Kiinjili la Kilutheri Tanzania (KKKT) Dayosisi ya Kaskazini Mashariki Dkt Stephen Munga akitoa mahubiri katika ibada ya ufunguzi wa jengo jipya la kanisa la mtaa wa Kulasi.
Askofu wa Kanisa la Kiinjili la Kilutheli Tanzania (KKKT) Dayosisi ya Kaskazini Mashariki Dkt Stephen Munga akimpa mkono Sayuni Shelutete kwa kushiriki katika utoaji wa msaada wa ujenzi wa kanisa hilo.
Askofu wa Kanisa la Kiinjili la Kilutheri Tanzania (KKKT) Dayosisi ya Kaskazini Mashariki Dkt Stephen Munga akimpa mkono Pascal Shelutete kwa kushiriki katika utoaji wa msaada wa ujenzi wa kanisa hilo.
Waumini wa kanisa la mtaa wa Kulasi wilayani Korogwe wakitoa zawadi kwa familia ya Pascal Shelutete kwa msaada waliotoa kwa ajili ya kufanikisha kazi ya ujenzi wa kanisa la mtaa wa Kulasi.
Kiongozi wa familia ya Mzee Shelutete,Bwana Nicolaus Kingazi  akizungumza  kwa niaba ya familia hiyo wakati wa ibada ya ufunguzi wa jengo jipya la kanisa la mtaa wa Kulasi.
Askofu wa Kanisa la Kiinjili la Kilutheri Tanzania (KKKT) Dayosisi ya Kaskazini Mashariki Dkt Stephen Munga akihitimisha ibada ya ufunguzi wa kanisa la mtaa wa Kulasi wilayani Korogwe.
Askofu wa Kanisa la Kiinjili la Kilutheri Tanzania (KKKT) Dayosisi ya Kaskazini Mashariki Dkt Stephen Munga akipeana mikono na wachungaji mara baada ya kumaliza ibada ya ufunguzi wa jengo la kanisa.
Askofu wa Kanisa la Kiinjili la Kilutheri Tanzania (KKKT) Dayosisi ya Kaskazini Mashariki Dkt Stephen Munga akisaidiana na Pascal Shelutete kuotesha mti wa kumbukumbu katika viunga vya kanisa hilo.
Bwana,Pascal Shelutete (Kushoto) na Bibi Sayuni Shelutete (kulia) wakiwa katika picha ya pamoja na  Askofu wa Kanisa la Kiinjili la Kilutheri Tanzania (KKKT) Dayosisi ya Kaskazini Mashariki Dkt Stephen Munga mara baada ya kukamilika kwa ibada ya ufunguzi wa kanisa jipya la mtaa wa Kulasi.

Na Dixon Busagaga wa Michuzi Blog,Kanda ya Kaskazini.

 
Supported by Tone Multimedia Company Limited
Copyright © 2012. Tanga Yetu - All Rights Reserved
Designed by Fredy Tony Njeje
Proudly powered by Blogs za Mikoa