WANANCHI WA JIMBO LA HANDENI WAMLILIA WAZIRI WA MAJI

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

WAZIRI  wa maji  Mhandisi  Gerson Lwenge pichani )kushoto ameombwa  kuingilia kati  na  kushughulikia  kwa haraka  utata  uliogubika  utekelezaji  wa mradi  wa  Bwawa  la maji  la malezi  lilipo kata  ya Malezi ,Mjini Handeni  ambao  haujaanza  licha  ya Benk ya Dunia  kutoa shs. 740  kwa  ajili  ya mradi huo.
Wakizungumza katika mahojiano na wawakilishi wa vyombo vya habari waliokuwa wanafuatilia utekelezaji wa mradi huo, wakazi hao ambao wanalazimika kutembea kilometa zaidi ya 5 kufuatilia maji  katika vyanzo vya maji wamesema hawaoni sababau ya mradi huo kutokuanza licha ya fedha hizo kutolewa.
Kitombo alisema kwa taarifa alizonazo mwaka 2013 Benki ya Dunia iliingiza sh. Milioni 400 kwa ajili ya ujenzi wa bwawa hilo ambao  unatarajiwa  uwanufaishe Wakazi Zaidi  ya 6000. Gharama za ujenzi wa bwawa hilo ni sh. Milioni 880.
Aliendelea kueleza kuwa mwaka jana sh. Milioni 300 zilliingizwa katika akaunti na kufanya jumla ya fedha zilizoingizwa kaikamakauntinkuwa shs. Milioni 700
Pia alieleza mshangao wake kwa nini mradi huo bado unaendelea kutekelezwa na Halmshauri ya Wilaya wakati ambapo eneo la mradi liko Halmashauri ya Mji.

(Pichani kushoto ni Mbunge wa Jimbo la Handeni Mjini,Omari Kigoda)
Naye Afisa Mtendaji wa Kata hiyoya Malezi. Muhaji Ramadhani Mlaki alisema kuwa mara nyingi ammepokea wataalamu ambao wanakuja kuona eneo lakini hakuna kinachoendelea baada ya hapo licha ya kuwaambia watu wenye maeneo yao ambayo yameingizw kwenye mradi huo waache kulima.
“Tunapata lawama kwa wananchi kwa sababu tunawalewesha hadi mwisho wanatuambia kuwa na sisi tumekuwa wanasiasa,” alisema.
 Naye Cecilia Ibrahimu wa Malezi Kwedinguzo ambaye ana shamba kwenye eneo hilo la mradi wa bwawa alikubali kutoa eneo lake kwa sababu maji ni kero inayowagusa watu wote.
“Sina cha kusema nataka maji tu. Cha ajabu tuliambiwa tutapewa mashamba na kusaidiwa kulimiwa lakini mpaka sasa hatujaonyeshwa mashamba na mradi haujaanza,’ alisema Bi. Cecilia.
Mwenyekiti wa Jumuiya ya Wazazi katika Kata hiyo, Mzee Abdallah Kombo walipoingia katika uongozi kilio ni hicho hicho hadi hivi sasa. Alisema kuwa wananchi wanategemea malambo madogo yaliyochimbwa kwa juhudi za Mbunge wa zamani wa Handeni, marehemu Abdallah Kigoda.

“SERIKALI YATAKIWA KUTANGAZA VIVUTIO VYA UTALII VYA MIKOA ILI KUONGEZA UKUSANYAJI WA MAPATO

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 


SERIKALI kupitia Wizara ya Maliasili na Utalii imeshauriwa kuweka msukumo mkubwa kwenye kutangaza vivutio vya utalii vilivyopo kwenye mikoa mbalimbali hapa nchini kuweza kutumia fursa hizo kukusanya mapato.
Ushauri huo ulitolewa leo na Mkurugenzi Mtendaji wa Kibanga Tours&Travel, Emanuel Kibanga (Pichani kushoto)wakati akizungumza na waandishi wa habari ambapo alisema ipo mikoa yenye fursa nyingi za kiutalii lakini inashindwa kuonekana kutokana na kutotangaza ipasavyo.

Alisema kuwa iwapo suala hilo litasimamiwa na kuchukulia hatua zinazokusudiwa itasaidia kuwapa ufahamu nzuri watalii kutembelea vivutio vya utalii vilivyopo mikoa ya kanda ya kaskazini ikiwemo Tanga kwa wingi kutokana na kuwepo na historia ya kubwa ya kale.

  “Ukiangalia mikoa ya Kanda ya Kaskazini inavivutio vyingi sana vya utalii ukianzia na mkoa wa Tanga lakini vinakosa fursa ya kuonekana na wageni wanaokuja kutembea hapa nchini na hivyo kuikosesha serikali mapato “Alisema Mkurugenzi huyo.

Aidha pia alitumia nafasi hiyo kuushauri mkoa wa Tanga kuandaa kongamano maalumu ambalo litaweze kutoa fursa za kutangaza vivutio vya utalii kwa lengo la kuongeza ukusanya mapato.

Hata hivyo alisema wakati umefika sasa watanzania wawekeze kwenye maeneo yaliyokuwa karibu na vivutio vya utalii ili kuweza kuhamasisha wageni kwenda kuvitembelea ili kuharisisha.
Stori kwa Hisani ya Tanga Raha Blog

UKAWA WATISHIA KUJITOA ALAT.

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

MAMEYA na Wenyeviti wanaounda Umoja wa Katiba ya wananchi (Ukawa) ambao walihudhuria mkutano mkuu maalum wa uchaguzi wa Umoja wa Serikali za mitaa wametishia kujitoa katika umoja huo kwa sababu ya kukiukwa   taratibu mbalimbali.
Msimamo huo waliutoa   Dodoma jana saa chache baada ya kususia mkutano huo wakipinga majina ya wagombea wao kukatwa bila kuelezwa sababu za msingi.
Katika taarifa yao   jana, walitoa orodha ndefu ya kukiukwa   taratibu hizo ikiwa ni pamoja na hatua ya ALAT kumruhusu waliyemuita ‘meya batili’ wa jiji la Tanga kuhudhuria na kugombea nafasi ya makamu mwenyekiti wa Jumuiya hiyo.
Mameya hao na wenyeviti wa Ukawa walisema; “Machapisho ya ALAT tuliyopewa ukumbini yalikuwa na picha za wajumbe waliovaa sare za Chama Cha Mapinduzi (CCM)  wakati ALAT ni chombo kisichofungamana na chama chochote cha siasa. Mfano   Meya wa Manispaa ya Dodoma anaonekana kwenye kabrasha la ratiba akiwa amevalia sare za CCM.
“Katibu mkuu kutokuchapisha orodha ya wagombea na kuisambaza kwa wajumbe wa mkutano huo kwa mujibu wa kifungu cha 30 (6) cha kanuni za kudumu za mkutano na uchaguzi wa viongozi wa jumuiya za serikali za Mitaa za mwaka 2009”.
Mwenyekiti ALAT apatikana
Wakati huohuo, ALAT jana ilipata mwenyekiti mpya licha ya wajumbe kutoka Ukawa, wakisusia uchaguzi huo kwa kutoka nje ya ukumbi.
Wajumbe walimchagua Meya wa Manispaa ya Shinyanga, Gulam Mukadam  kuwa mwenyekiti wa jumuiya hiyo kwa kura 179 kati ya kura 281 zilizopigwa.
Mgombea mwingine katika nafasi hiyo  alikuwa ni Murshid Ngeze aliyepata kura 97 huku kura tano zikiharibika.
Huo ni mkutano wa kwanza wa jumuiya hiyo katika uongozi wa Serikali ya awamu ya tano inayoongozwa na Rais Dk. John Magufuli.
Awali, Mwanasheria wa ALAT, Cleofasi Manyangu, alisema nafasi zilizokuwa zikigombewa ni mwenyekiti, makamu mwenyekiti na nafasi za wajumbe wa kamati ya utendaji.
“Wakati wa mchakato wa uchaguzi huu waliochukua na kurejesha fomu za kugombea uenyekiti wa ALAT   ni Gulam Mukadam, Murshid Ngeze ambaye ni Meya wa Bukoba Vijijini, Chifu Kalumuna ambaye ni Meya wa Bukoba Mjini na Isaya Mwita ambaye ni Meya wa Jiji la Dar es Salaam.
“Waliokidhi vigezo kwa mujibu wa Katiba ya ALAT ni watia nia wawili ambao ni Mukadam na Ngeze na waliosalia  hawakukidhi vigezo vya kuwa wagombea.
“Vigezo hivyo vilikuwa ni kurejesha fomu katika muda usiozidi saa 6:00 ya siku moja kabla ya uchaguzi na pia wagombea hao hawakupata wadhamini 10 kama taratibu zinavyoelekeza,” alisema Manyangu.
Wakati Manyangu akisema hayo, Mwenyekiti wa muda wa mkutano huo ambaye pia ni Meya wa Dodoma, Jafari Mwanyemba, alitangaza rasmi kwamba watakaogombea katika uchaguzi huo ni Mukadam na Ngeze jambo lililosababisha wajumbe wa Ukawa kususia shughuli zote za uchaguzi huo.
CHANZO: MTANZANIA.

Tigo Yafungua Duka jipya wilayani Handeni

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.
 Mkurugenzi wa Tigo kanda ya Pwani, Goodluck Charles akitoa hotuba yake wakati wa ufunguzi wa duka jipya la TIgo wilayani Handeni mkoani Tanga  kulia kwake   ni Mkuu wa willaya ya Handeni mhe. Halima Rajab Msangi uzinduzi huo umefanyika mapema wiki wilayani Handeni.

Mkuu wa wilaya ya Handeni Mhe. Halima Rajab Msangi (wa pili kulia) akikata utepe kuzindua duka jipya la Tigo wilayani humo. Wengine mkurugenzi wa Tigo kanda ya Pwani, Goodluck Charles(wa pili kushoto), Meneja huduma kwa wateja kanda ya Pwani, Isaack Shoo (kulia) na Msimamizi wa Duka la Tigo Handeni,  Zuhuru Omary. uzinduzi huo umefanyika mapema wiki wilayani Handeni.

Meneja huduma kwa wateja kanda ya Pwani, Isaack Shoo akitoa maelezo kuhusu simu zinazouzwa katika duka jipya la Handeni kwa mgeni rasmi Mkuu wa wilaya ya Handeni Mhe. Halima Rajab Msangi anayeshuhudia ni Mkurugenzi wa Tigo kanda ya Pwani, Goodluck Charles uzinduzi huo umefanyika mapema wiki wilayani Handeni mkoani Tanga.

Mkuu wa willaya ya Handeni  Mhe. Halima Rajab Msangi  akiwa katika picha ya pamoja na  Mkurugenzi wa Tigo kanda ya Pwani, Goodluck Charles na wafanyakazi wa Tigo wa duka la Handeni mara baada ya uzinduzi uliofanyika mapema ya wiki wilayani Handeni mkoani Tanga.

Serikali ya Tanzania kujenga bomba la mafuta kutoka Tanga hadi Uganda.

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 
Katibu Mkuu wa Wizara ya Nishati na Madini Prof. Justin Ntalikwa akiongea na baadhi waandishi wa habari  mara baada mkutano ya wafanyabiashara wa sekta ya mafuta nchini leo jijini Dar es salaam.
Mwenyekiti wa Wafanyabiashara wa Sekta ya Mafuta nchini Dkt. Gideon Kaunda akiongea na baadhi waandishi wa habari  mara baada mkutano ya wafanyabiashara wa sekta ya mafuta nchini leo jijini Dar es salaam.
Picha na Ally Daud- Maelezo 



Na Eleuteri Mangi-MAELEZO
SERIKALI za Tanzania na Uganda zinatarajia kuanzisha mradi wa uwekezaji wa ujenzi wa mradi wa bomba la mafuta unaolenga kuongeza pato la taifa na uchumi wa nchi hizo.
Mradi huo unatarajia kugharimu kiasi cha Dola za Marekani bilioni nne na utekelezaji wake utaanza mwanzoni mwa mwaka 2017.
Kauli hiyo imetolewa leo Jumatatu (Machi 28, 2016) Jijini Dar es salaam na Katibu Mkuu wa Wizara ya Nishati na Madini Prof. Justin Ntalikwa alipokuwa na akiongea na waandishi wa habari mara baada ya kumalizika kwa mkutano wake na wafanyabiashara wa sekta ya mafuta nchini.
Prof. Ntalikwa amezitaja fursa ambazo zitanufaisha taifa kuwa ni pamoja na kodi zitakazolipwa, kuongezeka kwa wigo wa ajira kupitia miradi huo pamoja na tenda mbalimbali zitakazotolewa wakati na baada ya kukamilika kwa ujenzi wa mradi huo.
 “Tanzania ina kila sababu ya kupata mradi huo kwa kuwa ina uzoefu wa kuwa na mabomba kama hayo manne nchini na tunajivunia bandari yetu ya Tanga yenye kina kirefu kuliko bandari zote Afrika Mashariki” alisema Prof. Ntalikwa.
Prof. Ntalikwa amesema kuwa mwitikio wa wafanyabishara wa sekta ya mafuta nchini ni mzuri na kubainisha kuwa wanatarajia kusafiri kuelekea nchini Uganda kujionea fursa mbalimbali zinazopatikana nchini humo.
Kwa upande wake Mwenyekiti wa wafanyabiashara wa sekta ya mafuta nchini Dkt. Gideon Kaunda amesema kwa upande wao wataitumia vyema fursa ya uwekezaji katika ujenzi wa mradi huo na kuendelea kushirikiana na Serikali ya Awamu ya Tano ya Rais Dkt. John Pombe Magufuli.

 

UGANDA YARIDHIKA BOMBA LA MAFUTA KUISHIA BANDARI YA TANGA

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 
WAZIRI wa Nishati na Madini wa Uganda, Irene Muloni amesema ameridhishwa na eneo lililotengwa kwa ajili ya utekelezaji mradi wa ujenzi wa bomba la kusafirisha mafuta ghafi kutoka Ziwa Albert hadi Bandari ya Tanga.

Alitoa kauli hiyo jana alipoongoza ujumbe wa wataalamu na wawekezaji kutoka mashirika ya TOTAL, TULLOY na CNOOC ambayo yanatarajiwa kutekeleza ujenzi wa mradi huo; na kutembelea maeneo utakapojengwa mradi wa bomba la mafuta ghafi katika Bandari ya Tanga.

Muloni alisema baada ya kupata maelezo ya kina na kutembelea Bandari ya Tanga ameridhishwa na mazingira yaliyopo na kwamba wiki ijayo Serikali ya Uganda itatuma timu ya wataalamu watakaokagua maeneo yote yatakapopita mabomba na ujenzi wa matangi ya kuhifadhia ili kujionea hali halisi kabla ya kuruhusu mradi kuanza kutekelezwa.

“Nimeona taarifa ya mradi iliyowasilishwa hapa na wataalamu na pia nimepata fursa ya kutembelea Bandari ya Tanga na kimsingi nimeridhika na wiki ijayo nitatuma timu ya wataalamu ili kuja kufanya uhakiki na kushauri kabla ya utekelezaji rasmi kuanza,” alisema Muloni.

Naye Katibu Mkuu wa Wizara ya Nishati na Madini, Justin Ntalikwa alisema amefurahishwa na ujio wa ujumbe huo ambao utarahisisha uamuzi wa kujengwa mradi huo nchini hasa baada Serikali ya Kenya kuanza kushawishi mradi huo ufanyike nchini humo.

“Tumethibitisha kwamba kupitia bandari hii ya Tanga tunavyo vigezo vya kuweza kutekeleza mradi huu hasa ikizingatiwa kwamba tunao mtandao mzuri wa miundombinu ya reli, barabara na bandari ambayo hata mradi utakapoanza tutaweza kuleta vifaa kwa urahisi tofauti na wenzetu wa nchini Kenya,” alisema Ntalikwa.

Awali, Mkurugenzi Mtendaji wa Shirika la Maendeleo ya Petroli Tanzania (TPDC), Dk James Matarajio alisema mazingira ya Bandari ya Tanga ambayo inazungukwa na visiwa vya Unguja na Pemba pamoja na vingine ni salama zaidi kwa meli kufanya shughuli zake bila kukumbwa na hatari ya mawimbi makubwa ya bahari.

“Bandari ya Tanga ni tofauti kabisa na bandari nyingine ambazo zimekwisha tembelewa kama bandari ya Lamu ya nchini Kenya ambayo haifanyi kazi. Kwanza ina kina kirefu sana cha zaidi ya mita 40 wakati meli kubwa kama hizo za mafuta zinahitaji kina cha mita 18 na vile vile Bandari ya Tanga imeunganishwa na mtandao wa barabara na reli ambao unaweza kusafirisha mizigo hapa ukaipeleka Dodoma, Mwanza, Burundi hadi Uganda.

“Hivyo tunatumaini kwamba Serikali ya Uganda itakapokuwa inafanya maamuzi yake itachukua ruti ya Tanzania kama ambavyo viongozi wetu wa nchi walisaini makubaliano ya kuutekeleza huu mradi,”alisema Dk Mataragio.

Kwa upande wake, Mkuu wa Mkoa wa Tanga, Martin Shigela alisema mkoa huo umejipanga kupokea mradi huo na ambao utaongeza fursa za kiuchumi kwa wananchi wa Tanga na Taifa.

Mradi wa ujenzi wa bomba la mafuta ghafi unatarajiwa kujengwa katika eneo lililopo kati ya visiwa vidogo vya Fungunyama, Ulenge na Chongoleani jijini Tanga na unatarajiwa kugharimu Dola za Marekani bilioni nne hadi kukamilika.

KIWANDA CHA RHINO CEMENT CHA TANGA CHAFUNGIWA KWA UHARIBIFU WA MAZINGIRA

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

 kushoto meneja mkuu wa kiwanda cha maziwa cha tanga fresh Bw. Michael Kalata, akimuonyesha mh Naibu Waziri wa Nchi ofisi ya makamu wa Raisi Muungano na Mazingira Luhaga Mpina, moja nya bidhaa ya maziwa inayozaliswa katika kiwanda hicho. mh Mpina alitembelea baadhi ya viwanda jijini tanga kujionea namna ambavyo vinatekeleza sheria ya mazingira ya 2004 na kanuni zake. 
 Pichani Namna ambavyo fukwe ya Pangani Jijini Tanga ilivyoliwa na maji ya bahari, kutokana na kuongezeka kwa kina cha bahari ikiwa ni athari zitokanazo na madhara ya mabadiliko ya tabia nchi. na baaadhi ya visiwa nchini viko hatarini kumezwa na bahari.
Mh Luhaga Mpina Naibu Waziri wa Nchi Ofisi ya makamu wa Rais Muungano na Mazingira aliyea nguo nyeusi akipata maelezo toka kwa mtaalam katika kiwanda cha Twiga cement alipokitembelea leo jijini tanga kuona namna ambavyo kiwanda hicho kinatekeleza sheria ya mazingira ya mwaka 2004 na kanuni zake. (Picha zote na Evelyn Mkokoi wa Ofisi ya Makamu wa Raisi)
Naibu Waziri Ofisi ya Makamu wa Raisi Muungano na Mazingira Mh Luhaga Mpina akitolea ufafanuzi namna ambayo fukwe ya Pangani imeathirika na athari zitokanazo na mabadiliko ya tabia nchi.

Naibu Waziri wa Nchi Ofisi ya Makamu wa Raisi Muungano na Mazingira Mh. Luhaga Mpina (MB) amekifungia kiwanda cha kuzalisha cement na chokaa kilichopo jijini Tanga cha Rhino Cement, leo jioni kutokana na kile kinachodaiwa kuwa ni uharibu na uchafuzi wa mazingira na kuvunja sheria ya usimamizi wa mazingira ya mwaka 2004 na kanuni zake.

Mh. Mpina amechukua uamuzi huo, baada ya kupokea malalamiko kutoka kwa wananchi wa kata ya maweni kupitia diwani wa kata hiyo Bw. Joseph Colvas na kujionea mwenyewe namna ambavyo kiwanda hicho kinavyo achilia moshi mzito kwenda angani, pamoja na vumbi lisilovumilika kusambaa katika maeneo ya makazi ya wanachi wa kata hiyo ikiwa ni pamoja na kusambaa katika maeneo ya shule ya sekondari ya Don Bosco ambapo, Mh. Mpina ameelezwa kuwa athari zitokanazo na uachiachi wa hewa hiyo chafu angani si tu kwa watoto wa shule zinazozunguka kata hiyo bali pia ni kwa viumbe hai na mazingira.

“Hawa jamaa wamekuwa wakiachilia vumbi jingi na moshi mzito kutoka katika kiwanda hiki mara kwa mara, hivi tangu jana wamezima mitambo yao wakijua kabisa kuwa kuna ugeni wa Naibu Waziri kutoka Ofisi ya Makamu wa Rais, Alisisitiza Bw. Joseph.”

Kwa upande wake Afisa Afya wa jiji la tanga aliyejulikana kwa jina moja la bwana Kizito alimuelezea Naibu Waziri Mpina kuwa ni kweli kiwanda hicho kimekuwa kikifanya uchafuzi huo wa mazingira, na Afisa uendeshaji kutoka Baraza la Taifa na HIfadhi ya Mazingira NEMC Bw. Novatus Mushi ameeleza kuwa kiwanda hicho kimeshawahi kutozwa faini ya shilingi milioni kumi na saba (17) kwa kosa la kuchelewa kulipa ada ya mwaka ya mazingira pamoja na uharibifu wa mazingira uliokuwa ukifanywa na kiwanda hicho kwa upande wa kuzalisha chokaa.

Mh. Mpina ameelekeza Baraza la Taifa la Hifadhi na Usimamizi wa Mazingira ( NEMC) kukifunga kiwanda hicho kisiendelee na uzalishaji kwa muda usiopungua miezi mitatu, na kulitaka baraza hilo lijiridhishe na kufuatilia namna kiwanda hicho kinavyotakiwa kutekeleza sheria ya mazingira kwa kujenga mfumo wa kisasa wa kutoa taka zitokanazo na uzalishaji kiwandani hapo pamoja, na kupima vumbi na moshi utokao kiwandani hapo kama hautakuwa na madhara na athari kwa mazingira na viumbe hai. Kinyume na hapo kiwanda hicho kitafungiwa moja kwa moja.

Aidha, akitolea mfano wa kiwanda cha bonite bottles cha mjini moshi kwa kuwa kinara katika upandaji miti na utunzaji wa mazingira, mh Mpina alivitaka viwanda vingine viige mfano wa kiwanda hicho cha coke cola.

Ziara ya Mh. Mpina Jijini Tanga ilihusisha pia kuangalia namna ukuta wa fukwe ya Pangani uliojengwa enzi za mkoloni, ulivyo athirika na madhara yatokanayo na athari za mabadiliko ya tabia nchi na kusema kuwa, ukuta huo huko kwenye mchakato wa kujengwa na kuboreshwa upya, ifikapo mwezi wa  nne mwaka huu mradi wa ujenzi wa ukuta huo utaanza kutekelezeka kwa kuwa tenda imeshatangazwa na jumla ya kiasi cha fedha za kimarekani dola milioni 1,400 zimepatikana kupitia mfuko wa nchi maskini zaidi duniani (LDCf).

Mh. Mpina aliwaasa wakazi wa mji wa Tanga na viunga vyake kutunza mazingira kwa kupanda miti na kufanya usafi kama ilivyoagizwa na serikali, ili kuhepukana na nchi kuwa janga na magonjwa yatokanayo na uchafu. Waziri Mpina Pia alitembelea kiwanda cha maziwa cha Tanga Fresh na kiwanda cha Tanga Cement na kuridhirishwa na namna ambayo wanatekeleza sheria ya mazingira ya mwaka 2004 na kanuni zake.

 
Supported by Tone Multimedia Company Limited
Copyright © 2012. Tanga Yetu - All Rights Reserved
Designed by Fredy Tony Njeje
Proudly powered by Blogs za Mikoa